كرسي الاعترااااااف !!!!!!!!!!!!!!

موضوع: كرسي الاعترااااااف !!!!!!!!!!!!!! 22/11/2008, 23:48

انا النهارده جبتلكوا لعبه جميله قوى

كرسي الاعترااااااف !!!!!!!!!!!!!! 13123262761069988978

موجوده فى كل مكان
بس روعه
اكيد معروفه من العنوان

هى ان نختار عضو او عضويايه

كرسي الاعترااااااف !!!!!!!!!!!!!! 3258086361736423530

ملحوظه ::. الاختيار بيكون بالاغلبيه ,,,,

كرسي الاعترااااااف !!!!!!!!!!!!!! 13872067501611936862

واللى نختاره يقعد على الكرسى 5 ايام
يتزنق فى الاسئله
يلا بقى هتختارو مين ؟؟

كرسي الاعترااااااف !!!!!!!!!!!!!! 1145315507583155646

اتمنى تعجبـــــــــكم

كرسي الاعترااااااف !!!!!!!!!!!!!! 18819791411858366408

حلوة يا ايمي اللعبة دي
انا شوفتها قبل كدا فعلا
انا بختار عمرو هيكل بس يا ريت يلبي الاختيار
لان فيه اسئلة كتير عاوزين نسالها له

ياسلام عليكى ياعبير
بجد اختيار موفق بجد
مية مية هو دة الشغل ولا بلاش
جهز نفسك ياعمور للاسئلة
احنا بنجهز اهوة
ربنا معاك يابنى

اشطه اللعبه دى جامده وانا معاكوا فى اننا نبتدى بعمرو هيكل ياللا بالشفا يا عمور الناس شكلها سخنه وربنا يستر عليك يا ابنى لحسن انا حاسس ان هايبقى فيه كهربا وكشف كدب وحاجات من اللى قلبك يحبها........
ياللا شوفوا هاتبتدوا امتى وانا معاكوا

وانا كمان هختار عمرو هيكل

دا انت هتشوف اياااااااااااااااااااااااااااااااااااااااااااااااااااااااااااااااااااااااااااااااام

فاضل عضو واحد بس يختارك ونبدا اللعب علي طوووووووووول

هيبقوا خمس اياااااااااااااااااااام

ربنا معاك يا ابني

باذن اللة انا ال هكمل الخمس اعضاء
ال بتختار عمرو ويالا يا عمورة اجمد
علشان الاسئلة الصعبة ال هتجاوب عليها
بس عاوزين الاجابة بصراحة

طبعا كدا الخمس اعضاء وافقوا علي عمرو هيكل

يعني انهرده هنبدأ تقطيع في عمرو

معانا خمس ايام من انهرده يا جماعه

كل اللي عايز يسال سؤال يسأل

الاسئله خمس اسئله في اليوم بس ما حدش يزيد عن كداااااااااااااا

لا نلاقي هيكل طفش منناااااااااااااااااااااا

ابدأ انا بقي واسأل

تعالي يا حلو تقعد علي الكرسي دا وتسرتخي كدا وتجاوب علي الاسئله اللي هتتسألك

كرسي الاعترااااااف !!!!!!!!!!!!!! 7261_1

كرسي الاعترااااااف !!!!!!!!!!!!!! 7261_1

س1/ ايه غلطه عمرك اللى انت ندمان عليها وعمرك ماتنساها

س2/اية اكتر حاجة فى طبعك مبتحباهش ونفسك تغيرها؟؟؟؟؟؟؟؟

كفايه عليك كدا انهرده لاننا لسه في اول يوم

كرسي الاعترااااااف !!!!!!!!!!!!!! Mtm5

يلااااااااااااااااااااااااا يا قمر جيت لنا يا عمووووووووووووووووووورة
ما تتخيلش يا عمورة انا كنت منتظرة اللحظة دي من زماااااااااااااااااان
بس مش لحاجة الا عشان اشوف ردودك بس
و ماتزعلش اني اخترتك اول واحد
دا لانك عافة غلاوتك عندي اد ايه
انا بقى مش هسالك كتير دا بالنسبة لانه اول يوم
انا بس هسال سؤال واحد و هو

ايه اكتر موقف حصل معاك و اتاثرت بيه جداااا و عمرك ما هتقدر تنساه ؟
عمرو يا ريت الموقف يتحكي بالتفصيييييييل الممل

ع البركة ياعمور
الف مبروك ياغالى والله فرحان فيك اوى
ويلا معلش بقى هم شوية اسالة رخمين بس لازم منهم
هنعمل اية
هو دة حال الدنيا ومش دايم الا وجة الله
هم شوية اسئلة واجابتهم بسيطة اوى
ومتزعلش منى ماااااااااااااااااااشى
؟؟؟؟؟؟؟؟؟؟؟؟؟؟؟
هل انت مغرور وشايف نفسك؟
هل تحب عضوه بالمنتدى؟
-كـلمـــة تمنيـــــت ان تسـتطيـــع سحـبهــــا؟!!؟

حلم لا تستطيـــع تحقيقه؟!؟
شـخــص تتمنــي الإنتقــام منـــه؟!؟

ياه يا جماعه

اعدام ان شاء الله على الكرسى ده يا عمرو
شكرا يا ايمى انا بس يا ريت تشوفى حد تانى اصل الكرسى يخوف

كرسي الاعترااااااف !!!!!!!!!!!!!! 13-11

بسم الله الرحمن الرحيم

اعتذر اولا عن اطالتى عليكم

س1/ ايه غلطه عمرك اللى انت ندمان عليها وعمرك ماتنساها

الحمد لله اظن ان ما فيش فى حياتى مثل هذه الغلطات لانى بعيش حياتى بالطريقه الى انا عايزهااااا
وان كان فى حاجه انا ندمان عليهااااا ايوه كل يوم فات من عمرى وانا بعيد عن ربنا او بفرط فى حق من حقوقه

س2/اية اكتر حاجة فى طبعك مبتحباهش ونفسك تغيرها؟؟؟؟؟؟؟؟

الكمال لله عزوجل بالنسبه ليا يمكن تكون الحاجه دى انى كسول شويه او عنيد شويه بس لحد ما انا راضى عن نفسى كتيرررر

ايه اكتر موقف حصل معاك و اتاثرت بيه جداااا و عمرك ما هتقدر تنساه ؟

المواقف كتيره بس ياترى موقف احزنى ولا فرحنى وكلها ذكريات بحلوها ومرها مش بتتنسى

موقف مش بنساه مثلا حصل معايا ايام ما كنت فى اختبارات الشرطه وانا بعمل قفزه الثقه فى حمام السباحه وانا اصلا مش بعرف اعوم (طوبه) المهم يادوب طلعت على المدرج كده كنت مفكرها سهله ببص تحت حسيت ان قلبى وقع منى ما كنت راضى انط لحد ما اقعدوا يزعقولى قلت امرى لله كلها موته ولا اكتر ونصيت من هنا حسيت انى نازل عماره مش 5 متر والحمام كمان كان سته متر انا انزل انزل مش عارف اطلع تانى واستنى حد ينقزنى ما فيش قلت خلاص عمرى خلص وهموت غريق سلمت كده للميه وبدات اشرب ميه فين وفين لقيت حد بيشدنى يشدنى وانا اشد فيه راح نزل كمان واحد وطلعونى قلتلهم كنت مستنين ايه اما تتاكدوا انى مت
دى موقف كان صعب وقتها بس بفتكره بضحك كتير على نفسى ومواقف تاينه اكيد فى الكليه وفى الثانوى كلها لما بتعدى بتبقى ذكرى جميله زى فى يوم برده كنت فى القاهره كنت قاعده فى شقه جماعه صحابى ايام برده الشرطه وكده المهم كنت اول مره اركب من الشقه دى علشان اروح اكاديميه اشرطه نزلت الصبح بدرى الساعه 5 الفجر كده وكانت الحركه خفيفه فى الشارع ياعنى يادوب لقيت سرفيس بالعافيه سالته رايح مكان كده ياعنى الى هركب منه عربيه الاكايميه
قالى ايوه ركبت معاه المهم جينا عند حته مقطوعه كده خرابه ولا مش عارف وقالى انزل قلتله هنا قالى اه دى المكان الى انتا عايزه قلتله طيب ونزلت على كلامه ما انا مش عارف لقيتنى فى حته ما يعلم بيها الا ربنااااا ولا لاقى حتى صرصار ماشى فين وفين بعد ما موت مشى لقيت نقطه تفتيش شرطه كده سالتهم وكده وصلونى لحد محطه مترو قلت فعلا الشرطه فى خدمه الشعب
كفايه كده بقى

هل انت مغرور وشايف نفسك؟

لو الثقه بالنفس فى نظرك غرور يبقى اجابتى نعم

هل تحب عضوه بالمنتدى؟

انا مش بحب عضوه وحده انا بحب كل الاعضاء بنات وولاد كلهم بيمثلو اكتر من اخواتى عيلتى الثانيه يمكن بقعد وياهم اكتر ما بقعد مع الى فى البيت ومش بحب بس اعضاء المنتدى انا بحب كل الناس الحمد لله والله الحمد لله عمرى ما كرهت حد ممكن احيانا ازعل من ناس زعل عادى زى ما بيحصل بين اى حد بس الى متاكد منه ان عمرى ما كرهت حد

كـلمـــة تمنيـــــت ان تسـتطيـــع سحـبهــــا؟!!؟

لا ما اظنش ان فى كلمه اتمنيت ما اقولهاش لانى بعرف امتى اتكلم وامتى اسكت وامتى اغلط حتى

حلم لا تستطيـــع تحقيقه؟!؟

هدفي في الحياة أولاً ان ارضي الله وثانياً ان يكون لي بصمة في الحياة أحلامي وطموحاتي ورغباتي هي أهدافي وأكيد لدي خطة لحياتي فكيف اصل إلى هدفي دون خطة .. وأستثمر خبرات الأمس بأن أضعها بعين الإعتبار

شـخــص تتمنــي الإنتقــام منـــه؟!؟

لا يوجد نهائيا لانى ذى ما قولت قبل كده عمرى ما كرهت حد وان كان لازم اجاوب على مثل هذا السؤال بشخص اظن ان هذا الشخص يجب ان يكون من شرد اطفال المسلمين من ينتهك حرمات امهات المسلمين من دنس المصحف الشريف كل دخيل على ارضنا

شكرا على اسئلتكم واتمنى ان اكون وفقت فى الاجابه عليها وفق ما اردتم واتمنى ايضا ان اكون وفقت للاجابه عليها بكل صراحه وموضوعيه

شكرا يا هيكل علي ردك علي اسئلتي لاول يوم

ونسال اسئلة تاني يوم

مين اللي ممكن تحكيله عن كل حاجة وبدون خجل؟

ايه اكتر حاجة ممكن تأثر فيك ؟

هل انت قوي امام الحب ام عاطفي ام لا ؟

اوصفلي عمرو في 3 كلمات

كفايه عليك

أتخذت قرار في حياتك وندمت عليه ؟

مريت بحالة حسيت إنك وحيد في هالدنيا ؟

فيه شخص مر في حياتك تمنيت إنك إنت هو ؟

من هو توأم روحك ؟

ulvما هو اصعب موقف قابلك فى حياتك ؟
ما هو اصعب موقف قابلك فى حياتك ؟
وكيف تعاملت معه ؟

ههههههههههههههه
والله يابنى انت صعبان علية
انا مكنتش عايز اسالك بس لازم اسال
نبتدى ياريس
1:هل انت راضى عن مستوى المنتدى حاليا
2:لديك3 باقات ورد لمن تهديها
3:دعوت صديقك تحترمه و تستحي منه في افخم مطعم في المدينة و عند الحساب تتفاجأ بأن رصيدك ( صفر ) و صديقك ينظر اليك .. ماذا تفعل ؟
4:موقف هز كيانك ومش هتنساة ابدا
كفاية عليك كدة اوى ياعمرو انهاردة
وربنا يوفقك يابنى
lol!

قشطه يا عمورة

نهارك اسود

تعالى لى

بسم الله

س1\ايه صعب موقفين مريت فيهم بالجامعه

وقول الصراحه عشان انا عرفهم

س2\ نفسك تعمل ايه قبل متسافر

اى حاجه مش شرط حاجه معينه

س3\نفسك تعمل بعد مترجع من السفر ان شاء الله بعد ما ربنا يوفقك وترجع بالسلامه

س4\ ايه الى خلاك تحب الكورة اوى والاهلى

مع انك مكنتش بتحب تسمع سيرتها

س5\ احسن ايامك فى الكليه كانت امتى ومع مين

يارب انك وفقت فى الاسئله

وانت ياله رد بصراحه عشان متهورش عليك

[size=18]بداية السلام عليكم جميعا

باعتبارها اول مشاركة ليا فاانا بهنى سيادة المدير على القسم الجديد وباقى الاعضاء طبعا
ونائب المدير طبعا ليه تهنئة خاصة بااعتباه محور اهتمام الاسئلة
والله انا محتارة يا عمرو مش عارفة اسالك ايه بس هحاول ان شاء الله
اولا : ماهى المبادىء الاساسية فى حياتك والى مش ممكن تنازل عنها ابدا تحت اى ظرف من الظروف ؟
ثانيا :كل واحد فينا قابل ناس فى حياته ناس اتمنى تستمر معاهم الحياة وناس اتمنينا تتوقف الحياة بينا عند او محطة وناس ندمنا على اللحظات الى عشناها معاهم اكيد انت كمان يا عمرو مريت بكدا طبعا مش من حقى اسالك من هم الاشخاص دول بس ممكن اقولك ايه اكتر صنف قابلته فى حياتك ولو رجع بيك الزمن من تانى ايه اكتر حاجة كان ممكن تغيرها فى علاقاتك ؟
ثالثا : بعيدا عن الدبلوماسية الى من خلال ردك على الاسئلة السابقة عوزاك تجاوبنى بكل صراحة ايه هى اكتر صفات تخليك تقتنع بالمراة واى نوع من الجمال تفضله فيها الروح ام الجسد وخلال فترة حياتك الى عشتها ولحد اللحظة دى هل قابلت الحب الخلودى اقصد بيه الحب السامى الى مش ممكن تتغير ملامحه مهما توهتكم الظروف او بعدتكم الايام وهيفضل دايما معاك
رابعا : انا عارفة طبعا يا عمرو انك بتحب الشعر وبتكتبه كمان مين اكتر شاعر تحب تقراله واى نوع من الشعر ممكن تكتبه ولما بتعد مع نفسك ايه اكتر حاجة تحب تعملها وتكون مرتاح جدا وسعيد ومين اكتر شخص بترتاح اليه وممكن تلجاله لو حسيت فى لحظة انك وحيد ومحتاج حد جمبك غير ربنا عز وجل طبعا ؟
خامسا : طبعا عارفين ان كلها فترة قليلة وتسافر ربنا معاك وبالتوفيق ان شاء الله عاوزة اسالك مين اكتر ناس هيعز عليك فراقهم وهيوحشوك لما تبعد عنهم واكيد طبعا يا عمرو حياتك الى فاتت شىء والى هتبدا باذن الله شىء تانى اكيد وضعت اسس معينة واهداف تتمنى الوصول اليها عاوزاك تتكلم عنها وكمان ايه اكتر حاجة هتغيرها فى حياتك وهتنساها بمجرد سفرك وبدايك حياة تانية بااسلوب مختلف عن الى عشته قبل كدا ؟

عارفة انى طولت عليك اوى بس معلشى اختك الصغيرة واكيد هتستحملنى
بتمنالك التوفيق ومزيد من الرقى والتقدم باذن الله

تقبل ارق تحياتى
والى لقاء باذن الله [/size]

[size=24] ايه يا جماعه احنا بنسأل نفسنا ولا اييييييييييييه

هو هيكل هرب علي السعوديه ؟

كله بيسأل وهو جاوب علي اسئله اول يوم وهرب

وسابنا نسأل نفسنا باقي الايام

يا جماعه حد يسأل عليه يشوفه هرب ولا ناااااااااااااااااااااايم في بيتهم

ندااااااااااااااااااااااااااء

هيكل تايه يا ولاد الحلاااااااااااااااااااااااااااااااال

اللي يلاقيه يجيبه علي العنوان داااااا

https://mosafer.yoo7.com/montada-f42/topic-t964.htm

[/size]

هههههههههههههههههههههههههههههههه
فعلا يا ايمي هو شكله هرب
ايه يا عمورة يا عيني انا عارفة اني انا السبب
و بعدين شكله الكل كان مستنيك بس انا ما اتفقتش على كدا
بس معلش يلا بس ريحهم عشان هما عاوزين يعرفوا حاجة معينة
بس مش عارفة هى ايه يلا ريحهم يا عمورة
بس يا ريت ترد ليقولوا انك اختفيت و الا هربت
تسلم لي يا رب يا عمورة

استنونى ياجماعه معلش الاسئله كتير ومحتاجه وقت وكمان انا مشغول بس شويه بس هرد

معلش على التاخيررررررررررررررررررررررررررررررررررررررررررررر

مين اللي ممكن تحكيله عن كل حاجة وبدون خجل؟

اصدقائى

ايه اكتر حاجة ممكن تأثر فيك ؟

انا انسان عاطفى بطبعى بتاثر باغلب الاشياء
هل انت قوي امام الحب ام عاطفي ام لا ؟
انا خليط بين شخصين متناقضين لكن اظن انى امام الحب قوى

اوصفلي عمرو في 3 كلمات

طموح عنيد حساس

أتخذت قرار في حياتك وندمت عليه ؟

لا حياتى الحمد لله ماشيه ذى ما انا بخطط ليها ومش باخد خطوم من غير ما افكر فيها وعلشان كده ما فيش القرار الغير محسوب ده

مريت بحالة حسيت إنك وحيد في هالدنيا ؟

ربنا يخليلى صحابى واهلى ماليين عليا الدنيا
فيه شخص مر في حياتك تمنيت إنك إنت هو ما اتمنيتش انى اكون اكتر من عمرو اه اتاثرت بتاس كتير واعجبت بشخصيات وافراد كتير بس فى الاخير انا عجبى شخصى عمرو اكتر ولقيت نفسى فيه اكتر

من هو توأم روحك

توام روحى فى نظرى يختلف عن تفكيرك او رغبتك فى اجابتى على السؤال
ولذلك اعفنى من الاجابه عليه

ما هو اصعب موقف قابلك فى حياتك

اصعب موقف هو عندما يتعاق بحياه او موت
وهو حادث السياره او الغرق

وكيف تعاملت معه

بالصبر والرضا

:هل انت راضى عن مستوى المنتدى حاليا

نعم الى حد كبير جهد كبير من الاعضاء ينقصه فقط مرور الوقت

لديك3 باقات ورد لمن تهديها

الى اداره النادى الاهلى
والجهاز الفنى واللاعبين
والجماهير العظيمه للنادى الاهلى

دعوت صديقك تحترمه و تستحي منه في افخم مطعم في المدينة و عند الحساب تتفاجأ بأن رصيدك ( صفر ) و صديقك ينظر اليك .. ماذا تفعل ؟

استاذنه واخرج ابيع ساعتى او هاتفى
او اتصل باحد اصدقائى يكون قريب من المكان
او اخبره واعزمه على عشا تانى
موقف هز كيانك ومش هتنساة ابدا
سؤال مكرر وهو طبعا موقف حادث السياره او الغرق
والباقى لاحقاااا

س1\ايه اصعب موقفين مريت فيهم بالجامعه

وقول الصراحه عشان انا عرفهم

في مواقف كتير حصلتلي كلها احلي من بعضهااااا
بس انا مش متذكر غير اللي في دماغي دلوقتي وهما:_
الاول _كان في بنت معانا في الجامعه وبعد ما اعدت انا واصحابي اكتر من شهر نغلس عليها ونكلم فيها ونعاكسها وكدا
جيت علشان احط النقط علي الحروف
جاي اكلمها لقيت ولد بيغلس عليها حسيت انه قليل كدا وسهل يضرب حبيت اعمل فيها شهم قدامها لسه رايحله بقوله في ايه يا كابتن لقيت يجي شله كدا جاين عليا من صحابه جيت واخده تحت دراعي وعملت فيها اني هضرب صحوبيه معاه
المهم بعد ما مشي جيت ادخل اكلمها دخلت عليها كنت مجهز كلام وقفت ولا عارف اقول كلمه ولا عارف اقول ايه فضلت واقف وهي باصه باستغراب فضلت واقفه شويه علي اساس اني اتكلم مافيش فايده فراحت ماشيه
رحت ماشي وراها وبردوا وقفت نفس الوقفه وبردوا بحاول اجيب الكلام وبردوا مافيش فايده
راحت قلتلي انا ما بكلمش اولاد علي فكره وسكتت شويه وانا بردوا مش عارف اتكلم
فقالتلي الناس بتبص علينا ما ينفعش وقفتك كدا فأن نطقت
قلتلها

انا مروح

الموقف التاني_
انا كنت في المدرج وكنت قاعد في اخر بنش والمدرج عندنا بياخد حوالي 5000 طالب
لقيت الدكتوره ندهت الامن وفضل يقولها هو دا تقوله لا اللي وراه لحد لما طلع انا
قالتله هاتهم قدام المدرج كله من اول ما طلعت لحدل ما وصلتلها وهي قاعده تقول وترمي كلام علينا انا وواحد تاني
وعلشان حظي وحش فضلت تلقح كلام علينا دتنا للامن وسحب الكارنيه مننا
والسبب انها حوله شكلها كانت تقصد حد تاني

ودول من اكتر المواف اللي مريت بيها في الجامعه

وان كان هناك كتاب لواحده مواقف مع .......
وده كان اكبر زير بنات في العالم لو قلت ان هو كلم نص بنات الجامعه ما ابقاش ببالغ
فتخليوا صحوبتي بيه كانت شكلها ايه والمواقف كانت عامله ازاي

س2\ نفسك تعمل ايه قبل متسافر
نفسي قبل ما اسافر ما يكونش حد زعلان مني
وازور الناس اللي بحبهم

س3\نفسك تعمل ايه بعد مترجع من السفر ان شاء الله بعد ما ربنا يوفقك وترجع بالسلامه
انا انسان طموح ومش هيقف عند حد معين

س4\ ايه الى خلاك تحب الكورة اوى والاهلى

مع انك مكنتش بتحب تسمع سيرتها
كنت بهرب من الحياه الروتينيه الممله
بإني امارس نشاط فمارست الرياضه واني اشجع نادي فاخترت النادي الاهلي لسبب:_
لاني لقيت فيه اللي محتاجه الشعب المصري
لقيت فيه الفرحه _ الطموح_ الثقه_المبادئ _الاخلاق_الانتصار دايما
حسيت فيه بطعم الانتصار وانا بطبيعتي بحب الانتصار
ولقيت عيلتي واصحابي معظمهم اهلاويه

س5\ احسن ايامك فى الكليه كانت امتى ومع مين
كانت وانا في سنة تانيه كليه
ايام شله الانس وقت ما كنا مالكين الكليه بالطول والعرض

اولا : ماهى المبادىء الاساسية فى حياتك والى مش ممكن تنازل عنها ابدا تحت اى ظرف من الظروف ؟

الرجل القوي يعمل
والضعيف يتمني
والثقه في النفس من الثقه في الله عز وجل
لاياس مع الحياه

ثانيا :كل واحد فينا قابل ناس فى حياته ناس اتمنى تستمر معاهم الحياة وناس اتمنينا تتوقف الحياة بينا عند اول محطة وناس ندمنا على اللحظات الى عشناها معاهم اكيد انت كمان يا عمرو مريت بكدا طبعا
مش من حقى اسالك من هم الاشخاص دول بس ممكن اقولك ايه اكتر صنف قابلته فى حياتك ولو رجع بيك الزمن من تانى ايه اكتر حاجة كان ممكن تغيرها فى علاقاتك ؟

لو لازم يكون موجود الشخص دا ولو افترضناه جدلا

اظن انه يكون الشخص الحقود_ النمام اللذي يشبه الشيطان في الوقيعه والوسوسه في الاذان ويوقع بين الاصدقاء ويحقد علي الخير لاي احد سواه

ثالثا : بعيدا عن الدبلوماسية الى من خلال ردك على الاسئلة السابقة عوزاك تجاوبنى بكل صراحة ايه هى اكتر صفات تخليك تقتنع بالمراة واى نوع من الجمال تفضله فيها الروح ام الجسد وخلال فترة حياتك الى عشتها ولحد اللحظة دى هل قابلت الحب الخلودى اقصد بيه الحب السامى الى مش ممكن تتغير ملامحه مهما توهتكم الظروف او بعدتكم الايام وهيفضل دايما معاك

اكيد الروح لان الجسد دي لغه الحيوانات فقط

الصفات هي
الانوثه_الطيبه_الحنيه_ العقلانيه_الشقاوه_خفة الظل

واظن اجابتي عن اخر السؤال مش لغرض عام فإجبتي عليا
نــــــــــــــــــــــــــــــــــــــــــو كومنـــــــــــــــــــــــــــــــــــــت

رابعا : انا عارفة طبعا يا عمرو انك بتحب الشعر وبتكتبه كمان مين اكتر شاعر تحب تقراله واى نوع من الشعر ممكن تكتبه ولما بتعد مع نفسك ايه اكتر حاجة تحب تعملها وتكون مرتاح جدا وسعيد ومين اكتر شخص بترتاح اليه وممكن تلجاله لو حسيت فى لحظة انك وحيد ومحتاج حد جمبك غير ربنا عز وجل طبعا ؟

نزار قباني _والامام الشافعي

شعر الغزل وخصوصا الغزل باسلوب مرح
وبكتب احيانا بالفصحي واحيانا بالعاميه

احب دايما اعد في مكان هادي واختلي بنفسي قدام الخضره او الميه
او قدام القمر والسما

الشخص هو عمرو
الموجود جوايا
افضل احكيله واخد رأيه في المواقف الصعبه
واعاتبه ويعاتبني واشاوره ويشاورني لحد لما اوصل لقرار

خامسا : طبعا عارفين ان كلها فترة قليلة وتسافر ربنا معاك وبالتوفيق ان شاء الله عاوزة اسالك مين اكتر ناس هيعز عليك فراقهم وهيوحشوك لما تبعد عنهم واكيد طبعا يا عمرو حياتك الى فاتت شىء والى هتبدا باذن الله شىء تانى اكيد وضعت اسس معينة واهداف تتمنى الوصول اليها عاوزاك تتكلم عنها وكمان ايه اكتر حاجة هتغيرها فى حياتك وهتنساها بمجرد سفرك وبدايك حياة تانية بااسلوب مختلف عن الى عشته قبل كدا ؟

اولا هيعز عليا فراق كل الناساللي بحبهم ويحبوني
هيعز عليا فراق المكان نفسه حتي الهوا والنيل والخضره والجامعه واصحابي وانتوا كلكوا
واهلي وكل الناس لاني بحب كل الناس
انا الحمدلله طموحاكيد في اهداف هي لسه الرؤيه مش واضحه شويه بس كله بإذن الله

بالنسبه لاخر سؤال ماظنش ان الحاجه الحلوه بتتنسي
وكمان الحاجه الوحشه كمان مش بتتنسي بالعكس هاخدها موجهه لحاجه احلي

اشكركوا انكوا وثقتوا فيا واستضافتكوا ليا ويارب ما كنتش ضيف تقيل عليكم ومليتوا مني وتعبتكم معايا في التأخير علي الرد لانه كان غصب عني